ಹೃತ್ಪೂರ್ವಕ ಶಾಪಗಳು!!

ಹುಡುಗರ ಮನಸ್ಸನ್ನು, ಉಡುಗೊರೆಯಾಗಿ ಸ್ವೀಕರಿಸಿ,

ತೊಟ್ಟ ಉಡುಗೆಯಂತೆ ಬದಲಿಸುವ ಹುಡುಗಿಯರಿಗೆ ನನ್ನ

ಹೃತ್ಪೂರ್ವಕ ಶಾಪಗಳು!!

-ಲಕ್ಷ್ಮೀಷ

ಮಣ್ಣು

ನಾ ಮಣ್ಣಾದರೆ,
ನೀ ಮಣ್ಣಿನ ಹುಳುವಾಗಿ,
ನನ್ನ ಜೀವಕೆ ಚೈತನ್ಯವಾಗು,
ಕಾಯುವೆ ಬಿಸಿಲು ಮಳೆ ಚಳಿಯಿಂದ,
ಅನುದಿನವೂ ನಿನ್ನನ್ನು!!

-ಲಕ್ಷ್ಮೀಷ

ಎಣಿಸಲಾದೀತೆ?

ಅನುಭವವಿಲ್ಲದೆ ಮುಳುಗಡೆ ಮನಸ್ಸೊಂದು...
ನಿಲುಗಡೆ ಇಲ್ಲದ ತಂಗುದಾಣದಿ ಮನ ನೊಂದು...
ಈಜಲು ಬಾರದ, ಮುಂದೆ ಸಾಗಲು ಇಚ್ಚಿಸದ
ಇವರನ್ನು ಎಣಿಸುವವರಾರಿಲ್ಲಿ ಪರಮಾತ್ಮ?

-ಲಕ್ಷ್ಮೀಷ  

  

ಚೆಲುವೆ

ಮನದಲ್ಲಿ ಬಚ್ಚಿಟ್ಟ ಭಾವನೆಗಳ,

ಮೊಗದಲ್ಲಿ ತೋರುವೆ ಏಕೆ??

ಅದನರ್ಥೈಸಿಕೊಳ್ಳುವ ಶಕ್ತಿ

ಎನಗಿಲ್ಲ ಚೆಲುವೆ!!

-ಲಕ್ಷ್ಮೀಷ  

ಯಾರವಳು?

ನಾ ಬರೆವೆ, ಆಕೆಯೂ ಬರೆವಳು
ನಮ್ಮ ಬಾಳ ಪುಟದಿ...
ಗೆಳತಿಯೋ ಬಾಳಸಂಗಾತಿಯೋ
ಗೊಂದಲ ಮನದಿ...
ಜೊತೆಗಿಹಳು ಒಳಗೆ ಅವಿತು
ಎನ್ನ ಜೀವಜ್ಯೋತಿಯಾಗಿ!!
ಯಾರವಳು??

-ಲಕ್ಷ್ಮೀಷ 

ಜಾವಡಿ

ಕವಿ ಎಂದೊಡನೆ ಅವಳು ಕಿವಿ ನಿಮಿರಿದಂತಾಗಿ...
ಮನಸ್ಸಲೆಲ್ಲಾ ಜಾವಡಿಯೇ  ಆವರಿಸಿದಂತಾಗಿ...
ಅವಳ ನಿನಾದವೇ ಮನ ತುಂಬಿ ಹರಿದಂತಾಗಿ...
ತೆಗೆದುಕೊಂಡೆ ನಾ ಲೇಖನಿ ಕವಿತೆಯೊಂದ ಗೀಚಲು!!

-ಲಕ್ಷ್ಮೀಷ

ಈಡೇರದ ಆಸೆ

ಆಸೆಗಳ ಕದನ ಶುರುವಾಯ್ತು ಮನದಿ...
ನಾ ಮೊದಲು ತಾ ಮೊದಲೆಂದು ಅವುಗಳ ಜಗಳದಿ...
ಅದಾವುದೂ ಈಡೇರಲಿಲ್ಲ ಶುದ್ಧ ಗೊಂದಲದಿ...!!

-ಲಕ್ಷ್ಮೀಷ